बझाङ। बझाङमा एक पुरुषको कुटपिटबाट मृत्यु भएको छ । बझाङको जयपृथ्बी नगरपालीका वडा नम्बर ७ ज्वाडाका ४७ बर्षिया पिरु भण्डारीको सोहि वडाका दिपेन्द्र थापाले शनिवार राती करिव पौने ८ वजेको समयमा कुटपिटगरी हत्या गरेको जनाइएको छ।
कुली बाँधको घाटमा आगो तापी रहेका बेला दुबैै जनावीच सामान्य भनाभन हुदाँ मृतक भण्डारीले आगोको हगुल्टोले हानेको र थापाले बाहिर ल्याएर कुटपिट गरेको प्रत्यक्षदर्शीले बताएका छन्। कुटपिटपछि घाइते भएका भण्डारीलाई शनिवार राती उपचारको लागी जिल्ला अस्पताल ल्याइएको भएपनि उपचारको क्रममा शनिवार राती नै मृत्यू भएको जिल्ला प्रहरी कार्यालय बझाङले जनाएको छ । भण्डारीलाई कुटपीट गर्ने दिपेन्द्र थापालाई नियन्त्रणमा लिई अनुसन्धान भइरहेको प्रहरी नायब उपरीक्षक ज्ञान बहादुर बिष्टलेजानकारी दिएका छन् ।
