बाजुरा। बाजुरामा फरार ३ जना बालिकाको कालिकोटबाट उद्धार गरिएको छ । बाजुराको जगन्नाथ गाउँपालिका की फरार भएकी ३ बालिकालाई कर्णाली प्रदेशको कालिकोटबाट उद्धार गरिएको हो। मंसिर ९ गते फरार भएकी ३ बालिकाहरुलाई जिल्ला प्रहरी कार्यालय बाजुराको समन्वयमा कालिकोटबाट उद्धार गरिएको जिल्ला प्रहरी कार्यालय बाजुराले जनाएको छ।
जगन्नाथ गाउँपालिका वडा नम्बर ५ लाया बस्ने बर्ष १५ की बालिका,४ पाल्ता बस्ने बर्ष १३ की बालिका र २ मल्लोहुनी बस्ने बर्ष अन्दाजी १४ की किशोरी घरबाट कोही कसैलाई जानकारी नगराई आफुखुसी भागी फरार भएकी भनेर आफन्तहरुले प्रहरीलाई जानकारी गराएपछि प्रहरीले कालिकोटबाट नियन्त्रणमा लिएको प्रहरीले जनाएको छ।
बालिकाका आफन्तले टेलिफोन मार्फत जिल्ला प्रहरी कार्यालय बाजुरामा जानकारी गराउनाका साथ उनीहरूको खोजतलाश गर्दै जाँदा बालिकाहरूलाई आज कालिकोटको शान्नी त्रिवेणी गाउँपालिका वडा नं ३ मानिबजारबाट फेला पारी प्रहरी चौकी जुड्डीमा ल्याईएको हो । बालिकाहरूलाई आफन्तको जिम्मा लगाइएको बाजुरा प्रहरीले जनाएको छ ।
