बैतडी। बैतडीको गोठलापानीमा जन्ति बोकेको जिप दुर्घटना भएको छ । बैतडीको सदरमुकाम गोठलापानी स्थित कलुवामोडमा जन्ति बोकेको जिप दुर्घटना हुदा ४ जनाको घटनास्थलमै मृत्यु भएको जनाइएको छ।
बैतडीको दशरथचन्द नगरपालिका २ थलालगाउँबाट जन्ती बोकेर दशरथचन्द नगरपालिका ६ सेरा तर्फ जाँदै गरेको से १ ज ३१० नम्बरको जिप दशरथचन्द राजमार्गको गोठलापानी–झुलाघाट सडक खण्ड अन्तर्गत दशरथचन्द नगरपालिका ४ कलुवाड मोडमा दुर्घटनामा परेको हो । जिपमा कति जना सवार रहेका थिए भन्ने कुरा एकीन भएको छैन् । जिप सडकबाट ५ सय मिटर तल खसेको बताइएको छ । दुर्घटनाबारे थप विवरण आउन बाँकी रहेको छ ।
