डोटी। जीपबाट खसेर डोटीमा एक बालिकाको मृत्यु भएको छ। डोटीको दिपायलबाट डडेल्धुरा तर्फ गइरहेको से १ ज ७१६ नम्बरको जीपबाट खसेर घाइते भएकी आशा विकको मृत्यु भएको प्रहरीले जनाएको छ।
प्रदेश ट्राफिक प्रहरी कार्यालय अत्तरियाका अनुसार डोटीको शिखर नगरपालिका -८ की १५ वर्षीया आशा विकको जीपबाट खसेर टाउकोमा चोट लागेर गम्भीर घाइते भएकी उनको डडेल्धुरा अस्पतालमा उपचारका क्रममा मृत्यु भएको हो। जीप चालक डडेल्धुराको अमरगढी नगरपालिका-१ का ३० वर्षीय खडकबहादुर ऐर जीपसहित जिल्ला प्रहरी कार्यालय डडेल्धुराको नियन्त्रणमा रहेको प्रदेश ट्राफिक प्रहरी कार्यालय अत्तरियाले जनाएको छ।
