धनगढी। पुर्वमन्त्री तथा नेपाल कम्युनिस्ट पार्टी एमाले सुदूरपश्चिम इन्चार्ज लेखराज भट्टले अहिलेको एमाले एकीकरण सहितको एमाले भएको बताएका छन् । सोमबार धनगढीमा आयोजित मजदुर विशेष इलाका कमिटीको प्रथम अधिवेशन कार्यक्रममा बोल्दै इन्चार्ज भट्टले अहिलेको एमाले एकीकरण सहितको एमाले भएको बताएका हुन ।
नेकपा एमालेका सुदूरपश्चिम इन्चार्ज भट्टले “प्रारम्भिक रुपमा एमाले नाम रहे पनि जेठ २ को एमाले होईन’,,‘यो २०७८ को एकीकरण सहितको नयाँ एमाले हो ।” यहाँ कुनै गुटको अस्तित्व छैन उनले भने। कुनै पनि व्यक्तिगत महत्वकाक्षांलाई पाल्ने कुरा एउटा होला तर त्यसलाई महत्व दिने काम हुँदैन । तपाईको कामको आधारमा, पार्टी प्रतिको समर्पण र त्यागको आधारमा त्यसको मुल्याङ्कन हुन्छ, उनले भने ।
“अहिले पुर्व माओवादी, माधव समुह भन्ने समुह छैन’,उनले भने,‘अहिले समग्र कम्युनिष्ट आन्दोलनको नेतृत्व एमालेका अध्यक्ष केपी शर्मा ओलीले गर्नु भएको छ ।” जब सम्म युवालाई नेतृत्वमा अगाडी बढाउन सकिँदैन तब सम्म भोलीको नेतृत्व आउन सक्दैन विकास गर्न सक्दैन । युवाहरुलाई नेतृत्वमा ल्याउनु पर्ने उनले जोड दिएका छन्।
