बझाङ्ग। बझाङ्गमा मोटरसाइकल दुर्घटना हुँदा एक जनाको मृत्यु भएको छ भने एक जना घाईते भएका छन्। तमैलबाट जालेबगर जाने क्रममा बिजुलीको पोलमा ठोक्किएर दुर्घटना भएको हो।
बझाङ्गको छबिसपाथिभेरा १ जालेबगरमा ०२-०१६-८९८१ नम्बरको मोटरसाइकल बिजुलीको पोलमा ठोक्किदा दुर्घटना हुँदा मोटरसाइकल चालक दिपेन्द्र दौल्यालको मृत्यु भएको हो। यस्तै मोटरसाइकलमा पछाडी सवार कृष्ण दैल्याल घाइते भएका छन्। घाइतेको जिल्ला अस्पताल बझाङ्गमा उपचार भइरहेको जिल्ला प्रहरी कार्यालय बझाङ्गका प्रहरी नायव उपरिक्षक रुपक खड्काले जानकारी दिएका छन्।
