धनगढी, । आइतबार रातीदेखि परेको अविरल बर्षाका कारण भासु नजिकै पहिरो जाँदा भिमदत्त राजमार्ग अवरुद्ध भएको छ । पहिरोले सुदूरपश्चिमका ७ पहाडी जिल्ला जोड्ने भिमदत्त राजमार्ग अवरुद्ध भएको हो ।
बिहानै राजमार्गमा पहिरो जाँदा यात्रु तथा दर्जनौ सवारीसाधन अलपत्र छन् । अत्तरियाबाट स्काभेटर लगेर अवरुद्ध सडक खोल्ने तयारी भईरहेको जिल्ला प्रहरी कार्यालय डडेल्धुराका प्रमुख प्रहरी नायब उपरीक्षक महेन्द्र नेपालले जानकारी दिए ।
