बाजुराको स्वामिकार्तिक खापर गाउँपालिकामा भिरबाट लडी घाइते भएका पुरुषको हेलिकप्टर मार्फत उद्धार गरिएको छ ।
शुक्रवार भिरबाट लडी घाइते भएका पुरुषको आज सुदूरपश्चिम प्रदेश सरकारको पहलमा नेपाली सेनाको हेलिकप्टर मार्फत उद्धार गरिएको हो ।
भिर बाट लडी घाइते भएका जिल्लाको स्वामिकार्तिक खापर गाउँपालिका २ बस्ने ४० वर्षीय नरेन्द्र बुढाको नेपाली सेनाको हेलिकप्टरमार्फत उद्धार गरी नेपालगंज पठाइएको सुदूरपश्चिम प्रदेश सरकारको प्रवक्ता समेत रहनुभएकी आन्तरिक मामिला तथा कानुन मन्त्री पूर्णा जोशीले जानकारी दिइन् ।
घटना भएको जानकारी प्राप्त हुनासाथ उद्धारक लागी पहल गरिएको र अहिले उद्धार गरी पठाइएको बताउँदै मन्त्री जोशीले उद्धारका क्रममा लाग्ने खर्च प्रदेश सरकारले बेहोर्ने बताएकी हुन् ।
मन्त्री जोशीले आफु यात्राकै क्रममा रहेको र सो घटना बारे जानकारी पाएसंगै उद्धारका लागी पहल गरेको जानकारी दिइन् । घाइते बुढाको उपचारका लागी बाजुराको कोल्टीबाट कोहलपुरका लागी हेलिकप्टर उडिसकेको छ ।
