कञ्चनपुर। कञ्चनपुर प्रहरीले लागुऔषधसहित २ जनालाई पक्राउ गरेको छ । जिल्ला प्रहरी कार्यालय कञ्चनपुरले मातहत ईलाका प्रहरी कार्यालय त्रिभुवनवस्तीबाट खटिएको प्रहरी टोलीले २ जनालाई पक्राउ गरेको हो।
कञ्चनपुर पुनर्वास नगरपालिका वडा नम्बर ६ (ङ)गाउँमा से ७ प ६३२१ नम्बरको मोटरसाईकल चेकजाँच गर्ने क्रममा कैलालीको गोदावरी नगरपालिका वडा नम्बर २ बस्ने वर्ष १९ का हेमन्त भट्ट र सोहि ठाउँका भिम साउँदलाई पक्राउ गरेको जिल्ला प्रहरी कार्यालय कञ्चनपुरले जनाएको छ। उनीहरुको साथबाट निट्राभेट १० लेखेको ३०० क्याप्सुल फेला परेको प्रहरीले जनाएको छ। पक्राउ परेका उनीहरुमाथी थपअनुसन्धान भईरहेको जिल्ला प्रहरी कार्यालय कञ्चनपुरले जानकारी दिएको छ ।
