धनगढी । नेकपा एकीकृत समाजबादी पार्टीको सुदुरपश्चिम प्रदेश इन्चार्जमा गरिमा शाहलाई तोकेको छ। एकीकृत समाजवादी पार्टीले जारी गरेको अन्तर पार्टी निर्देशनमा सुदुरपश्चिम प्रदेश इन्चार्जमा मदनकुमारी शाह (गरिमा) लाई तोकिएको जनाइएको छ।
यसअघि भदौ २० गते नै अन्य प्रदेशमा नेकपा एकीकृत समाजबादी पार्टीको प्रदेश इन्चार्ज तोकिसकेकोमा सुदूरपश्चिममा इन्चार्ज तोक्न बाँकी रहेको थियो । अन्य प्रदेशमा भने एकीकृत समाजवादी पार्टीले प्रदेश १ मा घनेन्द्र बस्नेत, प्रदेश २ मा धर्मनाथ साह, बागमतीमा केदार न्यौपाने, गण्डकीमा केशवलाल श्रेष्ठ, लुम्बिनीमा भागवत विश्वासी र कर्णाली प्रदेशमा प्रकाश ज्वालालाई प्रदेश इन्चार्ज तोकिसकेको छ।
