कञ्चनपुर। महाकाली नदीमा निर्माणधिन चारलेन पक्की पुल जोड्ने ‘भाइरल रोड’ गएका शिक्षक महाकाली नदीमा हामफालेर बेपत्ता भएका छन् । ‘भाइरल रोड’ले परिचित उक्त स्थानमा गएका जिल्लाको भीमदत्त नगरपालिका–१२ ओदानीका ४५ वर्षीय कृष्णदत्त जोशी सोमबार बेपत्ता भएका हुन्।
सोमबार दिउँसो शिक्षक जोशीले महाकाली नदीमा हाम फालेर बेपत्ता भएको जिल्ला प्रहरी कार्यालय कार्यालय कञ्चनपुरका प्रहरी प्रवक्ता डिएसपी सिद्धराज न्यौपानेले जानकारी दिए ।प्रहरी प्रवक्ता डिएसपी न्यौपानेले ‘शिक्षकले महाकाली नदीमा हाम फालेको जानकारी दिदै ‘हिजोदेखि खोजिकार्य चलिरहेकोले अहिलेसम्म शव फेला नपरेको उनले जानकारी दिए ।’
दोधाराको एक निजी बोडिङ्गमा कार्यरत शिक्षकले महाकाली नदीमा हामफालेसंगै घरपरिवार, आफन्त एव गाँउले चिन्तामा छन । भाईरल रोड क्षेत्रमै गएका शिक्षकले हाम फालेपछि थप चिन्ताको विषय बनेको छ । पछिल्लो समय महाकाली नदीमा निर्माण भईरहेको चार लेन सडकमा टिकटक, भिडियो र फोटो खिच्न आउनेको भीड लाग्ने गरेको छ।
