बैतडी । बैतडीमा चितुवा मृत फेला परेको छ । महाकाली राजमार्ग अन्तरगत पर्ने डिलाशैनी गाउँपालिको श्रीरशैन भन्ने ठाउँमा मंगलबार विहान चितुवाको बच्चा फेला परेको जिल्ला प्रहरी कार्यालय बैतडीका प्रवक्ता बोधराज ओझाले जानकारी दिए। चितुवाको बच्चा ६ महिना जतिको हुनसक्ने अनुमान गरिएको छ ।
चितुवाको बच्चा मृत फेलापरेको खबर आएपछि प्रहरी र डिभिजन वन कार्यालय बैतडीको टोली घट्नास्थल गएको थियो । मृत भेटिएको चितुवाको बच्चालाइ डिभिजन वन कार्यालय बैतडीको परिसरमा गाडिएको र चितुवाको बच्चाको मृत्यु कसरी भएको हो भन्ने बारेमा अनुसन्धान भइरहेको प्रहरीले जानकारी दिएको छ ।
