डडेल्धुरा। डडेल्धुरामा निषेधाज्ञा भदौ १५ गतेसम्म थप गरिएको छ। कोभिड संक्रमणको जोखिम कायमै रहेको र जिल्लामा संक्रमण रोक्न निषेधाज्ञा भदौँ १५ गतेसम्मलाई जारी गरिएको जनाइएको छ।
कोभिड संक्रमणको जोखिम कायमै रहेको र जिल्लामा संक्रमण रोक्न निषेधाज्ञालाई निरन्तरता दिएको प्रमुख जिल्ला अधिकारी हरि प्रसाद घिमिरेद्धारा जारी आदेशमा भनिएको छ।
आदेशअनुसार गोष्ठी, तालिम, सेमिनार, बैठक, सिनेमाहल, सपिङ मल, मनोरञ्जन स्थललगायतका भिडभाड हुने क्रियाकलाप गर्न पाइने छैन्। यस्तै व्यापार व्यवसाय र सार्वजनिक सवारी साधन भने बिहान ७ बजे देखि साझ ७ बजेसम्म संचालन गर्न पाइने छ। भने, होटल तथा रेस्टुरेन्टको हकमा ‘टेक अवे’ सेवा दिन सकिने छ।
