धनगढी। आज सुदूरपश्चिम प्रदेशका १८ जनामा कोरोना संक्रमण पुष्टि भएको छ। शनिबार प्रदेशका ८ सय ७९ जनाको नमुना परीक्षण गरिएकोमा १८ जनामा कोरोना संक्रमण पुष्टि भएको स्वास्थ्य निर्देशनालय दीपायल डोटीले जनाएको छ।
प्रदेशभर एन्टिजेन बिधिबाट ७ सय ७३ जनाको नमुना परीक्षण गर्दा ८ जनामा संक्रमण पुष्टि भएको छ। यस्तै पिसिआर बिधिबाट ११६ जनाको कोरोना परीक्षण गर्दा १० जनामा कोरोना संक्रमण पुष्टि स्वास्थ्य निर्देशनालय दीपायल डोटीले जनाएको छ ।
यस्तै प्रदेशमा आज ३८ जनाले कोरोना जितेर घर फर्किएका छन्। हाल सम्म प्रदेशमा ५७९ जनाले कोरोनाका कारण ज्यान गुमाएका छन् । भने, ४५ हजार ७ सय १ जनामा कोरोना संक्रमण पुष्टि भएको छ ।
