कञ्चनपुर। कञ्चनपुरको महेन्द्रनगर बजारमा रहेको कपडा पसलबाट दिनदहाडै कपडा चोरी भएको छ । आइतबार भीमदत्त नगरपालिका–४ महेन्द्रनगर बजारमा रहेको लुक्स फेशन वेयर पसलबाट ‘डमी’मा लगाइएको कपडा चोरी भएको हो । उक्त पसलमा दिउँसो १२ः३० बजे ३ हजार मुल्य बराबरको कपडा चोरी भएको पसल सञ्चालक कैलाश चन्दले जानकारी दिए । उनले भने मैले पसलमा सिसीटिभी क्यामेरा लगाएको छु । त्यसमा एक महिला देखीन् । साउजी खोई भनेर काम गर्ने कर्मचारीलाई सोधीन् ।
उनले भने महिलालाई हेर्दा सम्पन्न परिवारको जस्तो देखीएकी थिइन् । पसलमा सिसीटिभी क्यामेरामा कपडा चोरेर बाहिर निस्कीएको प्रस्ट देखीन्छ चन्दले भने । पसलमा आएकी महिलाले कपडा चोरी गरेर लगेको भिडियो सिसीटिभी फुटेजमा कैद भएको उनले बताए । ती महिलाले अनुहार नदेखिने गरी पहिरन लगाएको सञ्चालक चन्दले बताए । ग्राहक बनेर दिउँसो ३ हजार बराबरको कपडा चोरेर लगेको घटनामा जिल्ला प्रहरी कार्यालयमा निवेदन दिएको र प्हरीले सिसीटिभीका आधारमा खोजी गरिरहेको जिलला प्रहरी कार्यालय कञ्चनपुरले जनाएको छ ।
