बैतडी। बैतडीमा पहिरो खस्दा महाकाली लोकमार्ग अवरुद्ध भएको छ । पहिरोका कारण बैतडी–दार्चुला जोड्ने महाकाली लोकमार्ग अवरुद्ध भएको छ । लोकमार्गको सतबाँझ –गोकुलेश्वर सडकखण्ड अन्तर्गत बैतडीको दोगडाकेदार गाउँपालिका ४ बसालीमा पहिरो खस्दा सडक अवरुद्ध भएको हो।
सडकमाथिबाट खसेको पहिरोले सडक अवरुद्ध बनेको प्रहरीले जनाएको छ । महाकाली लोकमार्ग अवरुद्ध हुँदा दार्चुलाबाट तराईका लागि छुटेका गाडी र दार्चुला जान लागेका गाडी बीचबाटोमै रोकिएका छन् । पहिरो पन्छ्याउने काम भईरहेको जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले जानकारी दिए ।
