नेपाल स्वतन्त्र यातायात मजदूर संगठन टेंकर इकाई कमिटि धनगढीले टेकंर चालह तथा सह चालकहरुको निशुल्क स्वास्थ्य जाँच गरेको छ । आइबार नेपाल आयल निगम सुदूरपश्चिम डिपो कार्यालय परिसरमा चालक सह चालकहरुको निशुल्क स्वास्थ्य जाँच गरेको हो । केही दिन अघी मात्रै निशुल्क आखाँ जाँच कार्यक्रम आयोजना गरेको संगठनले फेरी आइतबाट निशुल्क स्वास्थ्य जाँच कार्यक्रम राखेको हो । धनगढी नेत्रालयको सहयोगमा आँखा जाँच कार्यक्रम गरेको संगठनले आज जिबनज्योती पोलिकिल्निक एण्ड डाइग्नोस्टिक सेन्टरको सहयोगमा चालक तथा सह चालकहरुको निशुल्क स्वास्थ्य जाँच गरिएको हो । कोरोना कहरका कारण २ बर्षदेखी स्वाथ्य जाँच, आँखा जाँच लगायतका कार्यक्रम रोकिएपनि अहिले फेरी निरन्तरता दिइएको नेपाल स्वतन्त्र यातायात मजदूर संगठनका सुदूरपश्चिम प्रदेश अध्यक्ष ललित चन्दले बताए ।
स्वास्थ्य परिक्षण कार्यक्रमकै अवशरमा आँखा जाँचमा सहयोग गर्ने धनगढी नेत्रालय र स्वास्थ्य परिक्षण कार्यक्रममा सहयोग गर्ने जिबनज्योती पोलिकिल्निक एण्ड डाइग्नोस्टिक सेन्टरलाई कदर पत्र सहित सम्मानितपनि गरिएको थियो ।
