डोटी। डोटीको जोरायल गाउँपालिका-१ मा भीरबाट लडेर एक जनाको ज्यान गएको छ। बडिकेदार गाउँपालिका–१ का १८ वर्षीय दीपकबहादुर विकको लडेर ज्यान गएको प्रहरी नायव उपरीक्षक इन्द्रबहादुर मल्लले बताए। उनी केहीदिन पहिले जोरायल गाउँपालिका १ झुरकाणास्थित दिदीको घर गएका थिए।
त्यहाँबाट स्थानीय बजार गोगनपानी गएकोमा घर फर्कने क्रममा घण्टेश्वर सामुदायिक वनको भीरबाट लडेर उनको घटनास्थलमै मृत्यु भएको जिल्ला प्रहरी कार्यालय डोटीले जनाएको छ। घटना सम्बन्धी थप अनुसन्धान जारी रहेको प्रहरीले जनाएको छ।
