डोटी, – नेकपा (एमाले) जोरायल गाउँपालिका कमिटी अध्यक्षमा चित्र भट्ट चयन भएका छन् । पार्टी गाउँपालिका कमिटिको दोश्रो अधिवेशनबाट भट्ट अध्यक्षमा सर्बसम्मत चयन भएका हुन् । अधिवेशनबाट उपाध्यक्षमा हेम मल्ल सचिवमा केशव नेपाली, उप सचिवमा खडक मल्ल र पदमा कुमारी ओली (प्रतीक्षा) चयन भएका छन् । अधिवेशनले सर्वसम्मत रूपमा नयाँ नेतृत्व चयन गर्दै ३७ सदस्यीय गाउँपालिका कमिटी गठन गरेको छ।
अधिवेशनमा नेकपा (एमाले) का केन्द्रिय, प्रदेश तथा जिल्ला तहका नेताहरूको समेत उपस्थिति रहेको थियो। नेताहरूले पार्टी संगठनलाई अझ प्रभावकारी बनाउने, स्थानीय तहमा एमालेको सशक्त उपस्थिति कायम गर्ने र विकास निर्माणका कामलाई प्राथमिकता दिने विषयमा आफ्नो धारणा राखेका थिए। स्थानीय स्तरमा पार्टीको कार्यसम्पादनलाई अझ प्रभावकारी बनाउने उद्देश्यले विभिन्न रणनीति तय गरिएको पाटीले जनाएको छ।
नवनिर्वाचित अध्यक्ष चित्र भट्टले पार्टी संगठनलाई बलियो बनाउने प्रतिबद्धता व्यक्त गरेका छन्। उनले स्थानीय स्तरमा एमालेको भूमिका अझै प्रभावकारी बनाउने, जनताको समस्यालाई प्राथमिकताका साथ सम्बोधन गर्ने र समग्र विकासमा जोड दिने बताए।
