एजेन्सी । अमेरिकाले निष्कासनमा पर्ने १४ लाख ४५ हजार ५४९ जना आप्रवासीको संख्या सार्वजनिक गरेको छ । अमेरिकाको अध्यागमन कार्यालयले सार्वजनिक गरेको सूचीमा सबैभन्दा बढी होन्डुरसका नागरिक रहेका छन् । उसका २ लाख ६१ हजार ६५१ नागरिक अमेरिकाबाट निस्कासन हुने छन् ।
यस्तै, ग्वाटेमालाका २ लाख ५३ हजार ४१३, मेक्सिकोका २ लाख ५२ हजार ४४ र एल साल्भाडोरका २ लाख ३ हजार ८२२ नागरिक छन् । चीनका ३७ हजार ९०८ र भारतका १७ हजार ९४० जना पनि अमेरिकाबाट निष्कासनमा पर्ने सूचीमा छन् । यो सूचीमा १ हजार ३६५ जना नेपाली पनि रहेका छन् ।
अमेरिका सरकारले अवैध आप्रवासीलाई घर फर्काउने प्रक्रिया जारी राखेको छ । ट्रम्पले राष्ट्रपतिको सपथ ग्रहणलगत्तै अवैधरूपमा अमेरिकामा रहँदै आएका आप्रवासीको सबैभन्दा ठूलो सामूहिक निर्वासनको अभियान सुरु गरेका छन् ।
