धनगढी: डेउडा प्रतिष्ठानको केन्द्रिय अध्यक्षमा सुरत रावत ‘डोटेली कान्छा’ निर्विरोध चयन भएका छन । शनिबार सम्पन्न प्रतिष्ठानको चौथो साधारण सभा तथा दोस्रो अधिवेशनले रावतलाई सर्वसम्मत अध्यक्षमा चयन गरेको हो । अधिवेशनले प्रतिष्ठानको उपाध्यक्षमा भक्तराज जोशी, महिला उपाध्यक्षमा सरिता कठायत, महासचिवमा तोयनाथ भट्ट, उपमहासचिवमा प्रेम बिबश चन्द, साँगठनिक सचिवमा बिष्णु भक्त खैर, प्रशासनिक सचिबमा धर्मराज जोशी, कोषाध्यक्षमा कृष्णा सिराडी र सह–कोषाध्यक्ष धनसरा साउँद लाई चयन गरेको छ ।
त्यस्तै सदस्यहरुमा केशबराज फुलारा, धनेश्वरी रेग्मी, चन्द्र बहादुर थापा, सरस्वती धामी र जयन्ती धामी निर्बिरोध निर्वाचित भएको मुख्य निर्वाचन अधिकृत पदम बहादुर धामीले जानकारी दिए । समिति चौथो साधारणसभा तथा दोस्रो अधिबेशनको बन्दसत्रमा २५ सदस्यीय कार्यसमिति गठनका लागि निर्वाचन प्रकृया अघि बढाईएको थियो । निर्वाचन प्रकृया अनुसार बाँकी रहेका पदहरु संशोधित बिधान प्रशासनबाट पारित भएपछि मनोनीत हुने मुख्य निर्वाचन अधिकृत धामीले बताए ।
