धनगढी: धनगढीमा रहेको गोठालोद्धारा आमाको माया छात्रावासलाई न्यानोपन हस्तान्तरण गरिएको छ । गोठालोले आज सुदूरपश्चिममा मनाइने पुसे पन्ध्रका अवसरमा आमाको माया छात्रावासलाई २७ स्विटर र २७ टोपी हस्तान्तरण गरिएको हो । पुषको महिनामा अत्याधिक चिसो बढिरहेको र आज पुसे पन्ध्रको उपलक्ष्यमा छात्रावासमा न्यानोपन हस्तान्तरण गरिएको गोठालोका सञ्चालकले बताएका छन् ।
धनगढी उपमहानगरपालिका–५, हसनपुरमा रहेको गोठालोले आफ्नो पहिलो शाखाबाट कोदोको केक र कोदोकै मम सञ्चालनमा ल्याएको छ । सेवा बजारकै तरिका गोठालोको भन्ने नारासहित केकमा १०० प्रतिशत क्यास ब्याकको अफर पनि निरन्तर ग्राहकलाई प्रदान गर्दै आएको छ। गोठालोले केकसँगै दक्षिणा र शुभकामना कार्ड पनि दिने गरेको र गोठालोमा उत्पादित सम्पूर्ण केक भेज रहेको जनाइएको छ। आज सुदूरपश्चिममा ‘पुसे पन्ध्र’ पर्व मनाइँदै छ । विशेष गरेर नेपालको सुदूरपश्चिम प्रदेशमा मनाइने यो पर्व यहाँको मौलिक पर्व हो ।
आज गाउँका सबै मानिस एकै ठाउँमा जम्मा भई रातभर जाग्राम बस्ने चलन रहेको छ ।
