धनगढी: पार्टीबाट निष्कासन गर्ने केन्द्रीय सचिवालयको निर्णयविरुद्ध एमाले पूर्वउपाध्यक्ष भीम रावल औपचारिक प्रतिवादमा उत्रने भएका छन् । दुई–तीन दिनभित्र पत्रकार सम्मेलन गरेर आफूमाथि लागेका आरोपको खण्डन र प्रतिवाद गर्ने तथा आगामी कदम सार्वजनिक गर्ने उनको तयारी छ । पार्टीबाट निष्कासन गरिएपछि केन्द्रिय सदस्य झपट रावलले भनेका छन, ‘हिजोका दिनमा अध्यक्षले नै पार्टीभित्र आन्तरिक लोकतन्त्रको अभ्यासको नीति अगाडि सार्नुभो, अभ्यास पनि भयो । तर, आज उहाँले नै अध्यक्षमा लडेकै कारण भीम रावललाई जिम्मेवारीविहीन बनाउनुभयो र अन्ततः पार्टीविहीन बनाएर निकाल्नुभो ।

त्यसैले यो गम्भीर र दुःखद निर्णय हो । उहाँमाथिको कारबाही आन्तरिक लोकतन्त्रको हिसाबले बेठिक छ। यसले सुदूरपश्चिममा मात्र होइन, देशभरि ठुलो क्षति पुग्न सक्छ । उहाँ पार्टी नछाड्ने पक्षमा हुनुहुन्थ्यो, हामीले पनि त्यही आग्रह गरिरह्यौँ । तर, पार्टीबाटै निकालेपछि अब उहाँसामु धेरै विकल्प छैनन् ।’ त्यसैले पार्टीले निर्णय सच्याउनेबाहेक अरू कुनै विकल्प नभएको पार्टीका केन्द्रिय सदस्य झपट रावलले बताए । मलाई भीम रावलमाथिको कारबाहीभन्दा पनि पार्टीभित्र आन्तरिक लोकतन्त्रको वकालत गर्ने अध्यक्षले नै यस्तो अप्रिय निर्णय सच्याउनुभएन भने जीवनको उत्तराद्र्धमा मात्र होइन, इतिहासले उहाँमाथि अन्यथा मूल्यांकन गर्ला कि भन्नेचाहिँ ठुलो चिन्ता छ । हामीले विचार नमिल्नेहरूलाई त पार्टी बलियो बनाउने भन्दै भित्र्याइरहेका छौँ भने रावललाई निकाल्दा विरोधीले के आरोप लगाउँछन् ?

उनि सगैं पार्टी केन्द्रिय सदस्य समेत रहेका सुदुरपश्चिम सरकारका पुर्व मन्त्री प्रकाश बहादुर शाहलेपनि पार्टी निर्णयको बिरोध गरेका छन् । शाहले पार्टीको यो गलत निर्णय भएको बताएका छन् । यो निकै दुखद् निर्णय गरेको छ उनले भने “पार्टी एकताबद्ध भएर जानुपर्ने समयमा सहयोद्धालाई कार्वाही भएको छ, यो नहुनुपर्ने हो ।” यस्तै सुदुरपश्चिम प्रदेश सरकारका पुर्ब मन्त्री कृष्णराज सुवेदीले भिम रावल जस्तो नेतालाई पार्टीबाट पिनस्कासन गर्नु केपी ओलीको निरकुंस र स्वेच्छाचारी कदम भएको बताएका छन् । यो पार्टीले भन्दापनि केपी ओलीको निरकुंस र स्वेच्छाचारी निर्णय हो उनले भने “यो तानासाही प्रवृती हो, सुदुरपश्चिमको राष्ट्रवादी नेतालाई कार्वाही गरिनु खेदजनक छ ।” यस्तै एमाले सुदुरपश्चिमका उप सचिव नर बहादुर बि.कले पनि भिम रावल माथीको कार्वाही गलत रहेको बताएका छन् ।