धनगढी । कैलालीबाट प्रहरीले लागू औषध सहित ४ जनालाई पक्राउ गरेको छ । मंगलबार धनगढी उपमहानगरपालिका – ७ मनेहराबाट स्थानीय २७ को भक्तु राना पक्राउ परेका छन । उनको साथबाट ८६० मिलिग्राम लागू औषध खैरो हेरोइन जस्तो देखिने धुलो पदार्थ बरामद गरिएको प्रदेश प्रहरी कार्यालय धनगढीले जनाएको छ ।
यस्तै धनगढी उपमहानगरपालिका – २ पुरानो भन्सार नजिकबाट चुरे गाउँपालिका – ३ सहजपुर का २१ वर्षीय संदिप परियार पक्राउ परेका छन । उनको साथबाट १३० मिलिग्राम लागू औषध खैरो हेरोइन जस्तो देखिने धुलो पदार्थ बरमद गरिएको प्रहरीले जनाएको छ ।
यस्तै मंगलबार नै धनगढी उपमहानगरपालिका – १३ जनता राष्ट्रिय माध्यमिक स्कुल नजिक जंगलबाट धनगढी उपमहानगरपालिका – ४ का २९ वर्षीय सुशान्त सिंह बिष्ट र २९ वर्षीय संजय भट्ट पक्राउ परेका छन ।
उनीहरुको साथबाट ६० मिलिग्राम लागू औषध खैरो हेरोइन जस्तो देखिने धुलो पदार्थ बरमद गरिएको प्रदेश प्रहरी कार्यालय धनगढीले जनाएको छ ।
