काठमाडौं । रौतहटमा स्कारपियो गाडी दुर्घटना हुँदा ८ जनाको मृत्यु भएको छ भने चार घाइते भएका छन् । पूर्वपश्चिम राजमार्गअन्तर्गत चन्द्रपुर नगरपालिका–४ धन्सार पुल नजिकैको जंगलमा मंगलबार बिहान बा१६च ३१६२ नम्बरको स्कारपियो दुर्घटना भएको रौतहट प्रहरीले जनाएको छ ।
उक्त स्कारपियो निजगढबाट चद्रनिकायपुरतर्फ जाँदै गरेको थियो । बाराको गढीमाई मेलाबाट सिरहा फर्किन लागेको उक्त स्कर्पियो अनियन्त्रित भई रुखमा ठोक्किएर दुर्घटना भएको प्रहरीको भनाइ छ । घटनास्थलमै मृत्यु भएका आठ जनामध्ये अधिकांशको सनाखत हुन बाँकी रहेको छ । घाइतेहरूको चन्द्रनिगाहपुरस्थित ट्रमा सेन्टरमा उपचार भइरहेको प्रहरीले जनाएको छ ।
