बैतडी–भेटरीनरी अस्पताल तथा पशु सेवा विज्ञ केन्द्र डोटीका प्रमुख हरिसिंह भण्डारीको निधन भएको छ । बैतडीको पञ्चेश्वर गाउँपालिका–६ रोडीदेवल घर भएका ५० बर्षीय भण्डारीको शुक्रबार निधन भएको उनका आफन्त धनबहादुर क्षेत्रीले जानकारी दिए । एक्कासी स्वास्थ्यमा समस्या आएपछि भण्डारीलाई उपचारका लागि निसर्ग अस्पताल धनगढी पुर्याइएको र धनगढीमै उनको निधन भएको उनले बताए ।
भण्डारी भद्र, मिलनसार र शालिन व्यक्तित्व रहेका र उनको निधनले पशु स्वास्थ्य सेवाको क्षेत्रमा ठूलो क्षति पुगेको बताइएको छ । मृतक भण्डारीका तीन छोरा, एक छोरी र एक श्रीमति रहेका छन् । चाडपर्वको मुखमा भण्डारीको असमायिक निधनले रोडीदेवल गाउँ शोकमा डुबेको छ ।
