दार्चुलाः दार्चुलाबाट प्रहरीले एक गाडीसहित अवैध सामान बरामद गरेको छ। जिल्लाको मालिकार्जुन गाउँपालिका–८ खलगा देखि गोकुलेश्वर तर्फ जादै गरेको बोलेरो गाडीमा आज प्रहरी चौकी शंकरपुर पस्ती दार्चुलाबाट खटिएको प्रहरी टोलील अवैध सामान फेला पारेको हो।
सुदूरपश्चिम प्रदेश ०१००१ ज ११९० नम्बरको बोलेरो गाडीमा चेकजाँच गर्दा बिडी १६ बोरा, सुर्ती ५ बोरा र सलाई १६ पेटी गरी अन्दाजी ५ लाख ५८ बराबरको अवैध समान बरामद गरेको जिल्ला प्रहरी कार्यालय दार्चुलाले जनाएको छ। प्रहरीले गाडीका चालक बैतडीको डिलाशैनी गाउँपालिका–१ का सागर रानालाई पनि नियन्त्रणमा लिएको छ।
