धनगढी: कैलालीको टीकापुरबाट लागू औषध सहित २ युवक पक्राउ परेका छन । बुधबार इलाका प्रहरी कार्यालय टिकापुरबाट खटिएको प्रहरी टोलीले टीकापुर – ४ अस्नेरीबाट २ युवकलाई पक्राउ गरेको हो ।
पक्राउ पर्नेमा टीकापुर नगरपालिका – १ नयाँबस्ती का २१ वर्षीय धुर्व साउद र २४ वर्षीय देबराज साउद रहेको प्रदेश प्रहरी कार्यालय धनगढीले जनाएको छ । उनीहरुको साथबाट ३ ग्राम १२० मिलिग्राम लागू औषध खैरो हेरोइन बरामद गरिएको छ ।
