धनगढी । कैलालीबाट एक महिला र एक पुरुष गरेर दुई जना लागूऔषधसहित पक्राउ परेका छन्। जिल्लाको गौरीगंगा नगरपालिका–८ बडैपुरबाट बझाङको केदारस्युु गाउँपालिका–६ का २३ वर्षीय गोबिन्द धामी लागूऔषधसहित पक्राउ परेका हुन्।
उनलाई २ किलो ७४० ग्राम लागूऔषधसहित पक्राउ गरेको प्रहरीले जनाएको छ ।
यस्तै धनगढी उपमहानगरपालिका–३ बाजुरा होटलबाट सोहि होटलकी सञ्चालीका बाजुराको खप्तड छेडेदह गाउँपालिका–४ की ४१ वर्षीया मानमती ऐडि पक्राउ परेकी हुन्। उनलाई ७७० ग्राम लागूऔषधसहित पक्राउ गरेको प्रहरीले जनाएको छ।
