धनगढी । कैलालीको गौरीगंगा नगरपालिका वडा नम्बर १ ले मंगलपुर चौराहमा सडक बत्ति लगाइएको छ । चनौरा लठैया सडकमा १० वटा सडक बति लगाईएको वडा अध्यक्ष डबल बहादुर दियाकोटीले जानकारी दिए । शहरी विकासको १२ करोड भन्दा बढी आर्थिक सहयोगमा निर्माण भएको चनौरा – लठैया सडकको ५ किलिामिटर मध्ये केहि क्षेत्रमा सडक बति लगाएको अध्यक्ष दियाकोटीले जानकारी दिए ।
उनले ३० मिटरको फरकमा अहिले सडक बत्ति जडान भएपनि बाँकी अन्य क्षेत्रमा पनि दोस्रो चरणमा काम हुने जानकारी दिए । पक्की सडक संगै गाउँमा विजुली बलेपछि स्थानीय नागरिक खुशी छन् । पक्की सडकमा लाईट बलेपछि दुर्घटनाको जोखिम कम हुनुका साथै यात्रा गर्न पनि सहज भएको छ ।
