भारतीय प्रधानमन्त्री नरेन्द्र मोदीले आफू चाँडै नै नेपाल भ्रमणमा आउने बताएका छन् । प्रधानमन्त्री केपी शर्मा ओलीसँग अमेरिकाको न्युयोर्कमा भएको भेटवार्तामा मोदीले उक्त कुरा बताएका हुन् । परराष्ट्रमन्त्री डा. आरजु राणाका अनुसार मोदीले छिट्टै नेपाल भ्रमणमा आउने बताएका हुन् । दुई प्रधानमन्त्रीबीच सौहार्दपूर्ण वातावरणमा कुराकानी भएको राणाले जानकारी दिएकी छन् ।
मोदी र ओलीबीच करिब आधा घण्टा कुराकानी भएको थियो । भेटका द्विपक्षीय हितका विविध विषयमा कुराकानी भएको जनाइएको छ ।
