बैतडी: बैतडीमा गएराति भारी वर्षा भएको छ । पाटन नगरपालिका १० सिद्धपुर वर्षामापन केन्द्र डैंसिलीमा पछिल्लो १२ घण्टामा १०८ मिलिमिटर वर्षा मापन गरिएको हो । डैंसिली वर्षा मापन केन्द्र तथा आसपासका क्षेत्रमा भारी वर्षा भएको र थप वर्षा हुन सक्ने मौसम पूर्वानुमान महाशाखाले जनाएको छ । जिल्लाका स–साना नदी तथा खोलाहरुमा आकस्मिक बाढी आउन सक्ने र पहिरो खस्न सक्ने भएकाले महाशाखाले सतर्कता अपनाउन आग्रह गरेको छ ।
