कञ्चनपुरः खैरो हेरोईनसहित कञ्चनपुरका एक युवक पक्राउ परेका छन्। बेदकोट नगरपालिका-९ सुन्दरपुरबाट सोही ठाउँ बस्ने २२ वर्षीय सागर चन्द मंगलवार पक्राउ परेका हुन्। चन्दलाई १.२८ ग्राम लागूऔषध (खैरो हेरोईन) सहित नेपाल प्रहरी प्रदेश कार्यालय महेन्द्रनगर, लागू औषध नियन्त्रण ब्युरो शाखा महेन्द्रनगर र प्रहरी चौकी सुडाबाट संयुक्त रुपमा खटिएको प्रहरी टोलीले पक्राउ गरेको जनाएको छ।
