डडेल्धुराः डडेल्धुरामा प्रहरीमाथि हातपात गर्ने २ जना पक्राउ परेका छन्। जिल्लाको अमरगढी नगरपालिका–११ का करन बोहरा र सदरमुकामा बस्ने गौरव ऐर पक्राउ परेका हुन्। सोमबार राति अमरगढी नगरपालिका–५ तुफानडाँडास्थित सडकमै प्रहरीमाथि हातपात गर्ने दुबै जनालाइ प्रहरीले नियन्त्रणमा लिएर थुनामा राखेको छ। बोहरा अमरगढी नगरपालिका–११ का वडासदस्य समेत हुन्।
बसमा तोडफोड र बस चालकमाथि कुटपिट गरेपछि बस चालकले प्रहरीलाई खबर गरेका थिए। साथै ड्युटीमा खटिएका प्रहरीलाई समेत हातपात गर्न खोजेपछि दुबै जनालाई नियन्त्रणमा लिएको जिल्ला प्रहरी कार्यालय डडेल्धुराले जनाएको छ।
