धनगढी । एसिसी महिला एसिया कप क्रिकेट प्रतियोगिताको समूह चरण अन्तर्गत आफ्नो अन्तिम खेलमा नेपालले आज भारतसँग खेल्दैछ । श्रीलंकामा हुने खेल नेपाली समय अनुसार साँझ सवा ७ बजे सुरु हुनेछ ।
पहिलो खेलमा यूएईलाई ६ विकेटले हराएको नेपाल दोस्रो खेलमा पाकिस्तानसँग ९ विकेटले पराजित भएको थियो । सेमिफाइनलमा पुग्नका लागि नेपालले आज जित्नै पर्ने छ । समूह ‘ए’ मा नेपाल र पाकिस्तानको समान २–२ अंक छ । भारतले २ खेल जितिसकेको छ । यूएई २ खेलमा नै पराजित भएको छ ।
आजै समूह ए का पाकिस्तान र यूएईबीच पनि प्रतिस्पर्धा हुनेछ।
