धनगढी । इरानका राष्ट्रपति इब्राहिम रायसी सवार हेलिकप्टर आइतबार दिउँसो दुर्घटनामा परेको छ। इरानी सञ्चारमाध्यम आइआरएनएमा उल्लेख भएअनुसार राष्ट्रपति इब्राहिम सवार हेलिकप्टरको ुहार्ड ल्यान्डिङु भएको हो।
घटनाको विवरण अहिलेसम्म अज्ञात छ। तर प्रारम्भिक रिपोर्टअनुसार सो हेलिकप्टर हुस्सु लागेका कारण दुर्घटना भएको देखिएको छ। उक्त हेलिकप्टरमा इरानका विदेशमन्त्री होसेन अमिर अब्दुल्लाहियान पनि सवार भएको आइआरएनएले जनाएको छ।
बीस वटा उद्धार टोली र ड्रोनहरूको माध्यमबाट राष्ट्रपति सवार हेलिकप्टर खोजी भइरहेको छ। तर हेलिकप्टर अवतरण भएको भनिएको क्षेत्रमा हुस्सुका कारण खोजी प्रयास जटिल भइरहेको बताइएको छ।
आइआरएनएका अनुसार राष्ट्रपतिको सवारीमा तीन हेलिकप्टर संलग्न थिए। यीमध्ये दुई वटाले सुरक्षित अवतरण गरेका छन्।
