काठमाडौँ। इलाम उपनिर्वाचन–२ अन्तर्गत फाकफोकथुम गाउँपालिका १, २ र ३ नम्बर वडाको मतगणना सकिएको छ । यी तीन वडाको ४ हजार ३२ मतगणना हुँदा नेपाली कांग्रेसको अग्रता कायम छ ।
कांग्रेसका डम्बर खड्काले १६ सय ४३ मत पाउँदा एमालेका सुहाङले १६ सय १ मत पाएका छन् । एमालेका सुहाङ नेम्वाङले मतान्तर घटाएका छन् । उनीहरूबिचको मतान्तर ४२ मा झरेको छ ।
यसअघि १ र २ नम्बर वडाको मतगणना सकिँदा सुहाङ ८३ मतले पछाडि थिए । तेस्रो स्थानमा रहेका स्वतन्त्र उम्मेदवार डकेन्द्रसिंह थेगिमले ४ सय ३६ मत र चौथो स्थानमा रहेका रास्वपा उम्मेदवार मिलन लिम्बूले ३ सय ५ मत पाएका छन् ।
