धनगढी। कैलालीको अत्तरियामा अनैतिक क्रियाकलापमा संलग्न ३ युवा युवती पक्राउ परेका छन। कैलालीको अत्तरियास्थीत गोदावरी नगरपालिका-२ रिङरोड स्थित निसा होटलबाट अनैतिक क्रियाकलापमा संलग्न भएको भन्दै ३ जना युवा युवतीलाई पक्राउ गरेको प्रहरीले जनाएको छ ।
बिशेष सूचनाको आधारमा इलाका प्रहरी कार्यालयबाट खटिएको प्रहरी टोलिले शनिबार साँझ उनीहरुलाई पक्राउ गरेको थियो ।पक्राउ परेकाहरुको नाम भने खुलाइएको छैन । पक्राउ पर्नेमा एक पुरुष र २ महिला रहेका छन । घटनाको अनुसन्धान भइरहेको प्रहरीले जनाएको छ ।
