कञ्चनपुर। कञ्चनपुरमा लागुऔषध खैरोहिरोईन मुद्धाका फरार एक अभियुक्त पक्राउ परेका छन् । कैद भुक्तान नगरी फरार रहेका कञ्चनपुर भीमदत्त नगरपालिका-१८ सालघारी बस्ने रमेश दमाई पक्राउ परेका हुन् ।
कञ्चनपुर जिल्ला अदालतको २०८० भदौ १९ गतेको फैसलाले लागुऔषध खैरो हिरोइन मुद्दामा ५ महिना ३ दिन कैद भुक्तान गर्न बाँकी भई फरार रहेका उनलाई उनकै घर ठेगानामा लुकिछिपि बसिरहेको अवस्थामा पक्राउ गरिएको प्रहरीले बताएको छ ।
उनलाई आज (बिहीबार) जिल्ला अदालतमा पेश गराई तोकिएको कैद सजाय भुक्तानको लागि कारागार चलान गरिएको जिल्ला प्रहरी कार्यालय कञ्चनपुरले जनाएको छ ।
