कञ्चनपुर। कञ्चनपुरमा लागूऔषध खैरो हेरोईनसहित दुई जना युवक पक्राउ परेका छन्।
कञ्चनपुरको बेदकोट नगरपालिका-७ सुडाबाट ३.०९ ग्राम लागूऔषध (खैरो हेरोईन)सहित सोही ठाउका १९ वर्षीय बिबेक चौधरी र भीमदत्त नगरपालिका–१८ भगतपुरबाट ०.२६ ग्राम खैरो हेरोईनसहित सोही ठाउँका २२ वर्षीय कमल चन्दलाई बुधवार प्रहरीले पक्राउ गरेको हो।
यी दुबैलाई लागूऔषध नियन्त्रण व्युरो शाखा कार्यालय महेन्द्रनगरबाट खटिएको प्रहरी टोलीले लागूऔषधसहित फेला पारी पक्राउ गरेको हो। यस सम्बन्धमा प्रहरीले थप अनुसन्धान गरिरहेको जनाएको छ।
