धनगढी। कैलालीका विभिन्न तीन ठाउँमा आगलागी भएको छ। कैलालीको बर्दबगोरीया, लम्कीचुहा र भजनीमा आगलागी भएको बताइएको छ।
बर्दगोरीया गाउँपालीका वडा नम्बर २ मा एक कच्ची गोठमा आगलागी भएको छ। आगलागीबाट गहुँ, धान, लुगा कपडामा आगलागी हुनुका साथै एक भैँसी जलेर मरेको छ भने एक राँगा र एक बाख्रा जलेर घाइते छन्। खेतमा लगाएको आगो एक्कासी फैलिन गए आगलागी भएको हो।
आगलागीबाट ६ लाख बराबरको क्षती भएको प्रदेश आपतकालीन कार्य सञ्चालन केन्द्र धनगढीले जनाएको छ। लम्कीचहुा नगरपालिका–८ गप्कामा पनि आगलागि भएको छ। आगलागीबाट गहुँ, सालको काठ, साइकल जल्नुका साथै एक कच्ची गोठमा आगलागी भएको छ।
आगलागीबाट छ लाख बराबरको क्षती भएको छ। खेतमा लागेको आगो सल्केर आगलागी भएको हो। यस्तै भजनी नगपालिका–३ मन्द्रीमा आगलागी हुँदा राष्ट्रिय माध्यमिक बिद्यालयको १६ विघा जमीनमा लगाएको लिप्टीसको बारीमा आगलागी भएको छ। आगलागी घटनाबाट के कती क्षती भयो भन्ने बारेमा अनुसन्धान भैरहेको छ।
