धनगढी। बझाङमा एक प्रहरीले पेस्तोल पड्काएका छन्। जिल्ला प्रहरी कार्यालय, बझाङका प्रमुख प्रहरी नायब उपरीक्षक भरत शाहले वडा प्रहरी कार्यालयका इञ्चार्ज मोहनसिंह रावलले पेस्तोल पड्काएको बताए ।
इञ्चार्ज रावललाई निलम्बन गरिएको छ। हतियार चेकजाँच गर्दा उनको हातबाट पेस्तोल पड्किएको हो। बझाङमा भैरहेको प्रदेश सभा सदस्यको उपनिर्वाचनको सुरक्षा व्यवस्थाको तयारी गर्ने क्रममा सोमवार असई रावलले हतियार चेकजाँच गर्दैगर्दा पड्किएको हो।
एक प्रहरी जवानलाई चोट लागेको छ। बन्दुकबाट निस्केको गोली उछिट्टिएर लाग्द जवान पुदल सिंह रानालाई चोट लागेको हो। उनको खुट्टामा चोट लागेको छ। उनले असई रावललाई हतियार बुझाएपछि पड्किएको थियो। अहिले उनको उपचार भैरहेको बताइएको छ। बैशाख १५ गते बझाङमा हुने उपनिर्वाचनका लागि जिल्लासहित प्रदेशबाट समेत प्रहरी खटाइएको छ।
