धनगढी। कैलालीको गेटामा भारतीय कारको ठक्करबाट साइकलयात्री घाइते भएका छन्। कैलालीको गोदावरी नगरपालिका–५ गेटामा यूपी ३२ एनपी १०४३ नम्बर प्लेटको भारतीय कारले ठक्कर दिंदा एक जना साइकलयात्री घाइते भएको प्रहरीले जनाएको छ।
इलाका प्रहरी कार्यालय मालाखेतीले घाइते हुनेमा कैलारी गाउँपालिका–७ का ३३ वर्षीय तुलसीराम चौधरी रहेको जनाएको छ। घाइते चौधरीको माया मेट्रो अस्पताल धनगढीमा उपचार भइरहेको छ। कार चालकलाई नियन्त्रणमा लिएको इलाका प्रहरी कार्यालय मालाखेतीका प्रहरी नायब उपरीक्षक गंगाबहादुर थापाले बताए। घटनाका बारेमा प्रहरीले थप अनुसन्धान गरिरहेको जनाएको छ ।
