कञ्चनपुर। कञ्चनपुरमा महिलामाथि जबरजस्ती करणी गरेको अभियोगमा एक जना पक्राउ परेका छन् । प्रहरीका अनुसार जिल्लाको बेलौरी नगरपालिका-८ कलकत्ता बस्ने ४८ वर्षीय भजन राना शनिवार पक्राउ परेका हुन् ।
रानाले ती महिलालाई बुधवार दिउँसो आफ्नै घरमा जबरजस्ती करणी गरेको भन्ने उजुरीको आधारमा इलाका प्रहरी कार्यालय बेलौरीले पक्राउ गरेको प्रदेश प्रहरीले जनाएको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
