धनगढी। धनगढी उपमहानगरपालिका वडा नम्बर २ स्थित तील्केतालदेखी मेन रोड सम्म सरसफाइ गरिएको छ। आज शुक्रवार सामुदायीक आपतकालीन प्रतिकार्य टोलीको आयोजना, वडा नम्बर २ को कार्यालय तथा युएनडिपीको सहयोगमा सरसफाइ कार्यक्रम गरिएको हो।
नियमित सरसफाइ कार्यक्रम अन्तरगत सरसफाइ समिति,सामुदायीक आपतकालीन प्रतिकार्य टोली,टोल विकास संस्था,नगरपालिकाको सरसफाइ कर्मचारी,आमा समूह,स्वयंसेविका र स्थानीयको सहभागिता रहेको थियो। हाम्रो धनगढी हामी बनाउँछौ भन्ने नारासहित वडा नम्बर २ मा नियमित रूपमा सरसफाइ कार्यक्रम सञ्चालन भइरहेको छ। सामुदायीक आपतकालीन प्रतिकार्य टोलीको संयोजक लिला तिमिल्सेना पोख्रेलका अनुसार तील्केतालदेखी मेनरोड सम्म टोल बस्ती सडक आसपास क्षेत्र,मेन रोडसम्म सरसफाइ गरिएको हो।
सरसफाइ कार्यक्रममा सहभागीहरूले हातमा झोडा लिएर फोहरजन्य बस्तुको सरसफाइ र सङ्कलन गर्दै व्यवस्थापन गरेका थिए। हाम्रो धनगढी हामी बनाउँछौँ, हाम्रो धनगढी सफा धनगढी अभियान धनगढी उपमहानगरपालिकाको नारा छ। उक्त अभियानले स्वच्छ,सफा सुन्दर र व्यवस्थित धनगढी बन्ने उपमहानगरपालिकाको भनाई छ।
