कञ्चनपुर। कञ्चनपुरमा ९ वटा खच्चरसहित एक जना पक्राउ परेका छन्।
कञ्चनपुरको भीमदत्त नगरपालिका-१२ ओदालीबाट अबैंध रुपमा नेपालबाट भारत तर्फ लैजाने क्रममा अन्दाजी ५ लाख ४० हजार मूल्यका ९ वटा खच्चरसहित कालिकोटका एक जना पक्राउ परेका हुन्। कञ्चनपुर प्रहरीका अनुसार कालिकोट सान्नि त्रिबेणी गाउँपालिका–६ बस्ने २० वर्षीय भक्त बिसीलाई शुक्रवार दिउँसो पक्राउ परेका हुन् ।
ईलाका प्रहरी कार्यालय गड्डाचौकी र प्रहरी चौकी झोलुङ्गेबाट संयुक्त रुपमा खटिएको प्रहरी गस्ती टोलीले फेला पारी नियन्त्रणमा लिएको हो। उक्त खच्चरसहित उनलाई आवश्यक कारवाहीको लागि प्रहरीले कञ्चनपुर भन्सार कार्यालय गड्डाचौकीमा बुझाएको छ। सो सम्बन्धमा प्रहरीले थप अनुसन्धान गरिरहेको छ ।
