कैलाली। बिहीवार कैलालीको टीकापुरमा आगलागी भएको छ।
कैलालीको टीकापुर नगरपालिका वडा नम्बर ८ श्रीलंकाटापुमा एक घरमा आगलागी भएको प्रहरीले जनाएको छ। खरले छाएको कच्ची घरमा आगलागी हुँदा कपडा,अन्नपातसहित घर पूर्णरुपमा जलेर क्षति भएको छ।
बिओपी श्रीलंकाटापुबाट १० जनाको प्रहरी टोली र स्थानीयको सहयोगमा आगलागी नियन्त्रणमा लिएको प्रहरीले जनाएको छ। इलाका प्रहरी कार्यालय टीकापुरले आगलागीबाट १ लाख ५० हजारको क्षति भएको जनाएको छ। के कारणले आगलागी भएको हो र सो भन्नेबारेमा थप अनुसन्धान भैरहेको प्रहरीले जनाएको छ ।
