काठमाडौँ। गायक राजेशपायल राईलाई प्रहरीले पक्राउ गरेको छ । उनीहरूलाई अनामनगरस्थित मदन भण्डारी कलेज नजिकैबाट प्रहरीले पक्राउ गरेको छ ।
प्रहरीका अनुसार मादक पदार्थ सेवन गरी होहल्ला गरिरहेको अवस्थामा राईसहित तीन जनालाई नियन्त्रणमा लिइएको हो । प्रहरीले उनीहरूलाई प्रहरी वृत्त नयाँ बानेश्वरमा राखेको छ । मदिरा पिएर होहल्ला गरेपछि स्थानीयले प्रहरीलाई खबर गरेका थिए ।
काठमाडौँ प्रहरी परिसरका प्रवक्ता एसपी नवराज अधिकारीले जानकारी दिए। ‘उनीहरू तीनै जनालाई गएराति नियन्त्रणमा लिई नयाँ बानेश्वर प्रहरी वृत्तमा राखिएको छ’, उनले भने, ‘घटनाबारे अनुसन्धान भइरहेको छ।’ प्रहरी परिसरका अनुसार उनीहरूलाई अनामनगरस्थित मदनभण्डारी कलेजनजिकैबाट पक्राउ गरिएको हो। मदिरा पिएर होहल्ला गरेको भन्दै स्थानीयले खबर गरेपछि उनीहरूलाई प्रहरीले नियन्त्रणमा लिएको हो।
