कैलाली। कैलालीको मोहन्याल गाउँपालिका क्षेत्रमा बाघ आतंक बढेको छ। पछिल्लो समय जिल्लाको मोहन्याल गाउँपालिका वडा नं ७ ओखडेकोटमा बाघ आतंक बढेको स्थानियले बताएका छन्।
रातीको समयमा बाघले बाख्रा खोरमै पसेर आक्रमण हुन थालेपछि स्थानियहरु त्रसित बनेका छन्। केहीदिन अघि मात्र बाघले मोहन्याल गाउँपालिका वडा नं ७ ओखडेकोटका स्थानीय ईन्द्र बोहराका दुई बाख्रा मारेको छ।
रातिको १० बजेतिर बाघले बाख्रा माथि आक्रमण गरेको थियो। थुप्रै मानिसहरुको समुहले बाघ धपाएका थिए। अहिले गाउँ पुरै त्रसित बनेको स्थानिय बासी खकेन्द्र प्रसाद जैसीले बताए । स्थानियहरु रातभर थाली बजाएर बस्नु परेको उनले बताएका छन्।
