डडेल्धुरा। डडेल्धुराका एक जना लागूऔषध चरेशसहित पक्राउ परेका छन्। शुक्रवार दिउँसो डडेल्धुराको अमरगढी नगरपालिका-२ चालिसे मोड नजिकबाट ०.४९५ किलोग्राम लागूऔषध (चरेश)सहित अमरगढी ४ का ४३ वर्षीय कमल गुरुङ पक्राउ परेका हुन्।
बिशेष सूचनाको आधारमा जिल्ला प्रहरी कार्यालय डडेल्धुरा र प्रहरी चौकी बागबजारबाट संयुक्त रुपमा खटिएको प्रहरी टोलीले चेकजाँच गर्दा लागूऔषध चरेश भेटिएको हो । उनले प्रयोग गरेको से.७ प. ३६१५ नम्बरको मोटरसाईकलको दाहिने लेकगार्डमा झुण्डाई लुकाई छिपाई राखेको चरेस फेला पारी उक्त पदार्थ र मोटरसाईकल सहित गुरुङलाई पक्राउ गरेको डडेल्धुरा प्रहरीले जनाएको छ। जिल्ला प्रहरी कार्यालय डडेल्धुराले सो सम्बन्धमा थप अनुसन्धान गरिरहेको बताएको छ।
